يوم في حياه عضو

فكرة حلوة كبرئيل

انا بالنسبة لليوم (السبت)اول شي فقتو ساعة 5.30 لان كان عندنا نشاط فكنيسة الكلدان مشان نروح عل حسكة مشان نتعلم نسير مربيات للاطفال وتغدينا ساعة1.30 فلافل وبيبسي وبعدين تفرقنا لمجموعات وعملتلنا الراهبة لقاء كتير حلو حول الصوم ورجعتو ساعة 7.30 وفورا قعدتو عل انترنيت وفتو عل الموقع وهادا كان يومي

بس لازم تكتبون اين يوم وي وشكرا

طيب جينا
أنا اليوم (الثلاثاء)
فقتو الصبح ساعة 7 لأنو في عندي مدرسة رحتو عل مدرسة وكان عنا حصة فيزيا وكن أجا استاذ جديد علينا اليوم بس هوي كبير فالعمر بقى نقلو جدو وكان عنا الحصة قبل الأخيرة فراغ (علوم) ومن عادة الطلاب اول ما يقلن الموجه في حصة فراغ يطالعو اشاعة عل استاذ يا اما انتقل او طار او مرضان او انجلط ومرات مات كمان المهم بعدين رجعتو عل بيت ساعة وحدة وفالطلعة كان الجو مطر كتير وتلج وصلتو عل بيت وكالعادة تغديتو وحضرتو مسلسل الفصول الأربعة عل سوريا الأولى ساعة وحدة ونص (لليحب يتابعو) وبعدين كتبت وظيفة وطلع مسلسل أبناء القهر الساعة 3 عل ديرة(لليحب يتابعو) وكان أشرب متة معو خلص ساعة 4 كملتو وظايف وحفظ إلى ساعة 6 طلع باب الحارة عل mbc (لليحب يتابعو) وبعدين حضرتو برنامج سحر عل mbc أكشن الى ساعة 8 وساعة 8 حضرتو مرايا عل شام (لليحب يتابعو) الى التسعة وهلاساعة 10 عم أكتب هل أحداث تبع اليوم وساعة 11 تحضر مسلسل رجل وست ستات عل دنيا(لليحب يتابعو) وساعة 12 تحضر حكايا مرايا عل إنفينيتي (لليحب يتابعو) وبعدين بعد الوحدة يمكن أنام ويمكن أحضر شي فلم أو مسلسل تاني.
أظن أنو شرحت شرح مفصل
وياريت الكل هيك يكتب

يوم (الجمعة)
فقتو ساعة 7 مشان أروح عل مدرسة وكنتو تعبان ومرضان كتيييير وبقينا للساعة وحدة رجعتو عل بيت تغديتو وبعدين نمتو وهاي أول مرة انام الضهر بس من كتر كنتو تعبان وما رحتو عل كشاف وبعدين قمتو ساعة 4 رحتو عند الحلاق ورجعتو تحممتو ونمتو كمان لساعة 9 قمتو تعشيتو ورجعتو نمتو
ههههه