موضوع: قصه حب على الماسنجر الإثنين أكتوبر 15, 2007 10:33 pm
القصة طويلة شوي بس حلوة وحقيقية هذه قصة بنت اسمها سارا مدمنة على النت وكانت ما تسكر النت الا الساعه 1 بالليل. في يوم من الايام اضافها واحد ومسمي حاله ( الامبرطور ) المهم مر اسبوع وهي تريد أن تعرف من هو؟ بعد ثلاثه ايام دخل هو الماسنجر ورأته طبعا ففرحت وقررت فتح تحقيق معه.
سوسو: هاي من انت؟ هو: الامبراطور سوسو: ومن أين عرفت ايميلي وكيف اضفتني ومن اعطاك الايميل...الخ الامبراطور: بسم الله على مهلك علي. سوسو: سلامتك يالله بسرعه جاوب. الامبراطور: ليش انتي بنت؟؟؟؟ سوسو: أي عندك مانع؟ الامبراطور : لا بس انا غلطان اختي لاني كنت بضيف صديقي وطلع الايميل غلط سوسو : وليش تغلط أعمي ماتشوف الامبراطور : اختي قلنا آسف عن الغلط من البدايه عاملة تحقيق معي سوسو : لكان تضيف بنات الناس وما تريد أحد يحقق معك والله شباب فاضي ماعندو شغل الامبراطور: يا اختي فرصه سعيدة وآسف مرة ثانيه وممكن تحذفيني اذا مش عاجبك الوضع سوسو: يعني ايش تقصد؟ الامبراطور: اقصد مع الف سلامه سوسو : ليش ما اعتقد كلامي يزعل؟ الامبراطور: لا بس انا مشغول شوي باي سوسو: لحظه لحظه الامبراطور: نعم تأمريني بشي سوسو: لا سلامتك بس ماقلتلي ايش اسمك؟ الامبراطور: هههه ليش مهم؟ سوسو: وليش الضحكه ما اعتقد كلامي يضحك! الامبراطور: لا ابدا لاكن كلامك بالبدايه غير وهذا غير سوسو: طيب آسفه على السؤال باي الامبراطور: باي ****
وضلت سارا حاقدة عليه لانه استفزها وما اعطاها وجه ومر يومين وماشافته بالنت طبعا مدة طويله لوحدة طول وقتها بالنت المهم لما دخل على الماسنجر على طول هي الي بدت الكلام:
سوسو: مرحبا الامبراطور: مراحب سوسو: كيف الحال؟ الامبراطور: بخير
وبعد صمت طويل
سوسو: آسفه الظاهر انك مشغول وانا عطلتك الامبراطور: لا ابدا حبي لا كن انا عم اشتغل على البحث تبعي وما ادخل الماسنجر كثير سوسو: شو حبك!! حبتك القردة قول انشاء الله الامبراطور: أش فيك انقلبتي؟ سوسو: بس بأي صفه تقول حبي؟ الحق على اللي يحكي معك مو عليك الامبراطور: سوري آنا آسف وحقك علي سوسو: سوري ولا لبناني مو يهم وهاي آخر مرة تقول هيك كلام الامبراطور: طيب ياصاحبه السمو اوعدك ما اعيدها سوسو: الـــله عجبتني كلمه صاحبه السمو هيك الكلام والا بلا الامبراطور: خلص من اليوم ورايح راح اناديك صاحبه السمو أش تريدين اكثر من هيك سوسو: طيب انا ايش اناديك الامبراطور: هههههه حلو ذكائك انا ناديني باسمي خالد سوسو: واااو اسمك يجنن كتير حلو مو متلي الامبراطور: كل واحد اسمه حلو ولايق عليه سوسو: ليش مو تحب تعرف ايش اسمي الامبراطور: على راحتك اذا حابه تقولي قولي واذا مش حابه اكتفي بصاحبه السمو سوسو: طيب أشقد عمرك، شكلك مو كبير؟ الامبراطور: عمري 25 سنه سوسو: العمر كله بس صغير على فكرة انا اسمي سارا وعمري 18 اقول أش رايك انا معي شله بنات نضيفهم بالمحادثه وندردش الامبراطور: لالا انا مثل ماقلتلك عندي بحث ولازم اخلصو باي سوسو: براحتك باي *****
وضلت سارا تفكر فيه وبعدها ضل لمدة ثلاثه شهور ما يدخل النت البنت جنت وقالت اكيد شافله شوفه ثانيه وضلت تفكر فيه لاكنها كانت تقول دائماً هوي غير الشباب الي بالنت هوي غيرهم كلهم واحد ثقيل مايهمه البنات كثير......
وبعد اسبوع ××
الامبراطور: يامساء الخير والاحساس والطيبه سوسو: اهلين وينك وجهك ولا وجه القمر الامبراطور: سلامتك بس الامتحانات مو ترحم وهاي آخر سنه إلي سوسو: الله يوفقك الامبراطور: وحشتيني مووت سوسو: انت اكثر الامبراطور: عن جد؟ ما اعتقد سوسو: والله ما اقدر على فراقك جد احكي شوفلك حل الامبراطور: خلص انا عندي حل يرضي الطرفين سوسو : ايش وي؟ الامبراطور: ايش رايك اعطيك رقم موبايلي واذا حبيتي تشوفيني بالنت او اشتقتيلي مثل ماتقولين ابعتيلي بس رساله سوسو: نعم نعم نعم لا مانك صاحي ولا تفكر بيوم اني مثل البنات الي تكلمهم انا بنت ناس ومتربيه وو ..... الامبراطور: والنعم بس انا ماقلتو تحكي معكي قلتو ارسلي رساله و يصير خير سوسو: خلصنا غير الموضوع بسرعه الامبراطور: اوكي بس هذا رقمي اذا حبيتي تشوفيني مرة ثانيه بالنت ارسلي بس رساله سوسو: طيب باي الامبراطور : باي ******* طبعا سارا اخذت موقف من خالد لكنها ولشدة فضولها سجلت الرقم المهم بعد كم يوم اشتاقت تحكي معه و بالاخص عندها موضوع حبت تخبرو عنه فكرت وفكرت ايش تسوي وشلون تشوفه بالنت فقالت لحالها: ليش ما ابعتلو رساله مثل ماقال هو ما راح يكلمني ولا انا راح اكلمه المهم كتبت برسالتها (( خالد معليش لو سمحت تدخل النت ضروري )) المشكله انه ما رد عليها
مرت نص ساعه على هذا الوضع
انقهرت البنت وارسلت رساله (( معليش آسفه على الازعاج )) وكرهت نفسها بعد هذا الموقف لأنها تصورت انه مطنشها وبعد ايام (( شافته بالنت ما حكت معه وضلت على هذا الوضع ربع ساعه )) ملت وتنازلت بأن تبدأ بالكلام ****** سوسو: السلام عليكم الامبراطور: هلا والله سوسو: لو سمحت احذفني من عندك وما عاد اشوف رقعة وجهك بالماسنجر الامبراطور: الله يستر ليش ايش صار؟ سوسو: بعد العملة الي عملتها معي مابدي اكلمك او حتى اشوفك بالكروب تبعي الامبراطور: ليش لاسمح الله انا ايش عملتو؟ سوسو: لا انت بريء مو تعمل شي بس طنشتني وانا كنتو محتاجه لإلك هداك اليوم الامبراطور: أي يوم؟؟؟ سوسو: اقصد الرسايل اللي بعتتوها لإلك لاتستهبل خالد الامبراطور: آآآه تقصدين تبع النت سوسو: أي هاي ليش مادخلت النت او حتى قلت انك مشغول ؟ الامبراطور : لا عمري انتي فهمتي غلط انا فكرته واحد من الشباب جايب رقم جديد سوسو: لا بس انا آسفه وهاي آخر مرة كانت لحظه طيش الامبراطور: يا عمري لاتقولي هذا الكلام وثاني شي انتي قلتي انو مو تريدين الرقم آخر مرة شفتوكي فيها سوسو: طيب قلتولك انسى الموضوع الامبراطور: طيب ايش هوي الموضوع المهم الي كنتي تريدين تقوليو؟ سوسو: خلص مالو داعي الامبراطور: تقولي ولا شلون؟؟؟؟ ترا عصبتو سوسو: كل مافي الموضوع انو خطبني محمد ابن عمي وانا ما باحبو ولا اطيق اشوف وجهو واهلي موافقين كلهم واخاف ارفض وعمي يزعل من بابا الامبراطور: والمطلوب؟ سوسو: انصحني الامبراطور: شوفي انا ماني سريع بالكتابه يعني راح اتصل فيكي واقول رايي لان الموضوع باين عليه طويل سوسو : لااااااااا مجنون انت الامبراطور: يا بنت الناس ما راح آكلكي وثاني شي انتي لا تحكي انا بس راح احكي اوكي سوسو وبعد تفكير: طيب بس انا مابقول ولا كلمه الامبراطور: اوكي
بعد ثواني
خالد: الوو مرحبا سارا :...... (صامته البنت تستحي) خالد: طيب قولي مرحبا انا هيك ما بعرف احكي وانتي ساكته يعني كأني مجنون احكي مع حالي سارا: (( بلا شعور )) لا سلامتك خالد: الله يسلملي هالصوت الحلو سارا: (( لاتعليق )) خالد: اوكي ماراح اطول عليكي انتي قلتي انو مو تحبيو ممكن اعرف السبب سارا: ضروري تعرف خالد: اكيد مشان اقول رايي سارا: (( سارا طبعا بلا شعور )) لانو واحد معقد وتافهه وماعندو شغل خالد : وح وح فوراً عملتيو معقد؟ اكيد في سبب سارا: لا بس من طريقة كلامو واسلوبو وثاني شي شايف حالو ما بعرف على ايش كأنو ما في حدا درس جامعة غيرو خالد: يعني المثقف عندكي معقد او مغرور طيب أنا مهتم بدراستي أكتر ما تتصورين سارا: لاااااا لا انت غير خالد: من أي ناحيه؟ سارا: كلك على بعضك حلو خالد: احم احم هاد من ذوقك يا عسل سارا: تسلم (قالتها بكل خجل ) خالد: المهم اذا لها الدرجه مو تحبيو خلص ارفضي واللي يصير يصير سارا: طيب ممكن طلب خالد: أأمري سارا: ممكن تبعتلي صورتك خالد: هههههه لا طبعا سارا: طيب آسفه خالد: لا عمري لاتزعلي بس انا عن جد مش حلو واخاف تنصدمي سارا:طيب اوصفلي حالك خالد: احم احم طبعا اناقصير اسمر شعري منكوش على قولكم انتن البنات سارا:ههههههههه أش تهمة خالد:طيب هذا ابن عمكي حلو سارا: ياي يجنن تخيل طويل وابيض عيونه عسليه وشعرو ناعم مثل جواد العلي خالد: هههههه هذا اللي قاطع قالبكن يا بنات جواد وشلتو سارا: لا بس ماشاء الله عليو كثير حليوة يمكن احلى مني كمان خالد :ليش انتي مو حلوة؟ سارا: لا قمر واحلى من القمر كمان بس انا متواضعة خالد: هههههه مبين متواضعة سارا: اووو خالد الساعه 2 الوقت سرقنا وانا عندي بكرا مدرسة خالد: اوكي عمري مو طول عليكي بكرة بس أفيق الصباح راح ادق عليكي اوكي فاقت سارا الصباح وهي متأخرة على الدوام وطبعا انحرمت من الحصه الاولى قعدت بالباحه تفكر بخالد وفجأة رن الموبايل
خالد: الو سارا: الوووو خالد: يسعد لي هالصباح سارا: يا هلا والله ابن حلال عم أفكر هلا فيك خالد: ما شالله كنتي تفكري فيني ولا بس كلام؟ سارا: ايش شايف؟ خالد: ماقلتيلي ماعندكي درس هلا سارا: لا عندي بس حرموني لاني وصلتو متأخرة خالد: اوووف ماعاش من يزعل عمري
وضلت سارا وخالد على هذا الحال كل يوم تحكي معو ومو تفوت شي الا وتحكيلو ورجع في يوم من الايام ابن عمها وتقدم للخطبه بس ها المرة اهلها غصبوها على الموافقة ووافقت بعد تردد وتفكير طويل
واتصل خالد: الووو شلونكي عمري؟ سارا: يا هلا حياتي أنت كيفك؟ خالد: تمام سارا: خالد تقولك على شي متعبني خالد: خير لا يكون تعبانه او مريضه سارا: لا حياتي بس ابن عمي رجع خطبني مرة تانيه واهلي غصبوني خالد: طيب ( ايش يعني) ؟؟؟ سارا: يعني انا وافقت عليه وصار خطيبي وبعد اسبوع كتب كتابي خالد : طيب تحبين اخطبك؟
سارا: عم تتمسخر مو؟ ( تقولها وهي تبكي ) خالد: لاعمري بس ليش البكي سارا: لانك آخر واحد أفكر انو يتمسخر علي خالد: طيب اقولكي على سري الي ماقلتو لحدا قبلكي سارا : ايش وي؟؟ خالد: انا كمان خاطب بنت قرايبنا سارا: ايش ايش وليش ما قلتلي لهاي الدرجه انا رخيصه ووو... خالد: أيش صار فيكي طولي بالكي علي على فكرة اسمها سارا وعمرها 18 وهي بنت ولا كل البنات سارا: ايش تقصد؟ خالد: اقصد ياعمري انا اسمي محمد ولسه متخرج وخاطب بنت عمي سوسو سارا (بدون شعور سكرت السماعه بوجهه)
المهم بعد عقد القران اجا مشان يشوفها ويقعد معها وهي كانت تبكي وتقوللو: ليش سويت هيك فيني حرام عليك قاللها: لانو ما كنتي تحبيني وخليتوكي تحبيني غصب صح قالتلو: صح
وتبادلو الضحكات
وعاشوا حياة سعيدة
القصة حقيقية..... (على ذمة الراوي)
gena عضو نشيط
عدد الرسائل : 402 العمر : 31 العمل : طالبة الهواية : المطالعة تاريخ التسجيل : 10/10/2007
موضوع: قصه حب على الماسنجر 
الإثنين أكتوبر 15, 2007 10:33 pm
